Coworking en Monforte de Lemos

Rizoma.

Un espazo de traballo compartido no centro de Monforte. De momento, mesas, boa conexión e café. O resto depende de quen veña.

Ven probar un día Escríbenos
Zona de traballo

O primeiro día é de balde

Como funciona

O nome vén dos rizomas: raíces que medran cara a todos os lados, sen un centro.

  1. Aportas segundo o que vés.

    10 € por día solto, 50 € ao mes se vés a miúdo. O primeiro día é de balde.

  2. Iso mantén o espazo.

    Aluguer, internet, luz, limpeza e café: o básico para que o espazo siga aberto. Polo de agora, aí vai cada contribución.

  3. O que sobre, decidímolo entre todos.

    Cando as contribucións cubran os gastos, o que quede decídeno os membros: melloras no espazo, material, actividades.

  4. Calquera pode organizar algo.

    Unha charla, un obradoiro, un intercambio. Xa pasa: mira o taboleiro.

No taboleiro

O que xa se fai en Rizoma, organizado por quen vén.

  • Algúns xoves · 18:30–20:30

    Linguas Tecidas

    Encontro informal para practicar inglés, galego, castelán e outras linguas. Sen rexistro, ven directamente.

    linguastecidas.es

  • Luns · 19:00–20:10

    Meditación con Senda Silvestre

    Para actualizacións, únete ao grupo de WhatsApp. Para apuntarte, escríbelle a Lu.

    chat.whatsapp.com

  • Tes unha idea?

    Unha charla, un obradoiro, un intercambio. Se queres facelo aquí, escríbenos.

    ola@rizoma.gal

Quen anda por aquí?

Agora mesmo, xente que traballa en turismo, en software para bancos, en xestión de proxectos, en soporte técnico e en xestión cultural. Se buscas un sitio tranquilo para traballar en Monforte, probablemente encaixas.

O espazo

Silencio cando o precisas, xente ao redor cando non.

  • Fibra de 600 Mbps
  • Café e té
  • Escritorios de altura regulable
  • Monitor externo
  • Taquillas e acceso seguro
  • Despacho con porta para chamadas e reunións curtas
  • Zona de descanso

Está pensado para sesións de traballo: ven cando precisas concentrarte, sae cando remataches.

Preguntas frecuentes

Como empezo?
Escríbenos e quedamos un día para que veñas probar. O primeiro día é de balde. Se che convence, pasas a ser membro e pagas 10 € por cada día que veñas ou 50 € ao mes.
Teño que avisar antes de vir?
Si, sobre todo as primeiras veces. Escríbenos cun día ou dous de antelación para que haxa alguén para recibirte e ensinarche o espazo. Cando xa es membro, podes vir cando queiras.
En que se gastan as contribucións?
No funcionamento do espazo: aluguer, internet, luz, limpeza e café. Cando sobre algo, decidímolo entre os membros.
Hai un despacho independente?
Si, un despacho con porta para chamadas e reunións. Os membros resérvano desde a área de membros, en bloques de media hora ou dunha hora, ata unha hora ao día.
Podo organizar algo aquí?
Si. Charlas, obradoiros, intercambios: se che apetece facelo, escríbenos e buscamos un día.
Hai aparcamento preto?
Si. Na Rúa Malloadas adoita haber prazas, a rúa tamén está libre con frecuencia, e o aparcamento dos Escolapios queda a poucos minutos andando.
Teño que ser de Monforte?
Non. Hai xente de aquí e xente que traballa en remoto desde Monforte por unha tempada. Se pensas quedar un tempo, mellor: canto máis vés, máis sentido ten.

Contacto

Pasa a coñecernos.

Se algo disto che soa ben, escríbenos e falamos.

ola @ rizoma.gal

Enderezo

Avenida de Galicia 52, #8
Monforte de Lemos

Visitas e consultas

Luns – Venres
9:00 – 13:00

Estas horas son para visitas e dúbidas. Rizoma está aberto para os membros todo o día.

Monforte de Lemos · Ribeira Sacra Ver no Mapa